نحن جلوس
على وطن انحنى
رجحت كفة الأشرار
وسجانين السجناء
وطني وطني
انت ثقيل المعدني
وعصيت علينا ما تنبني
ورضيت بوالي جزار دني
جوعني وذبحني
وطني وطني وطني
كم مسكين يبحث عن سكنى
وكم عمارة مالكة غنى
لية نفسك طابت
كلاب مسعورة تنهشني
تطعن أنيابها في بدني
تنهش كل ضعيف
في وطني
ارملة في دارفور لها ست ابن
صابرة في راكوبة
وقلبها يعتصر ألمي
ذادة لالوبة
وتسبح راجيا الكفنى
ومثلها كتير لا تحصيه الألسني
وشيخ في الشرق
يشحد حق الجبنة وما لاقي
وادروب يزرع بالسلوكة
قال : قدرة حقنا نسوي
لا حكومة لا مسؤول راجي
وكردافي كوز موية ما لاقي
يحفظ مطر الخريف في الريف
زاده في الشتا والصيف
ويأكل القديد والجيف
حتى صبح نحيل وضعيف
وشمالي يلاوى في المتاريس
اربعيني ما صبح عريس
والحالة بالحروف ما بتتوصف
صبرك لحظة واحدة اقف
يا رئيس وشوف وطني
حاج احمد من النباه يكابس
فتاح يا عليم رزاق يا كريم
حي على الصلاة
وصلاها بعجلة
شال القفة وعنا الملجة
ولقي الزحمة في المصطبة
يفتح الله ويستر الله
واشترى حزمة خدرة
وفرش في السوق راجي
قسمة الله وسمع صرخة
البلدية جاتكم يا اهل الله
أتلفت يمين وشمال
رأى الخلائق خليت السهلة
وحاج أحمد يلاوي ويلاوي
وفلتت القفة من يديهو
ورجع البيت وأم العيال راجيهو
قرأت الخيبة في عينيهو
اتمدد في سريره يلعن واليهو
وعاد الولد مطرود
حق مدرسته ما لاقيهو
يابا يابا
أمه تقول ليه: خليهو
في ألهو فيهو
والبنت من هناك تناديهو
العيد قرب كيف نسويهو
وين الخبيز وين الكبش
ووطني يتمثل في واليهو
سمين وليهو كرش
يشيلوه شيل يخدوه في العرش
في الفراخ والأسماك بقرش قرش
ويطلع علينا في التلفاز يكذب ويغش
__________________
__________________
0 التعليقات:
إرسال تعليق
"مرر الماوس على الإبتسامات لمعرفة الكود "