الحواتة ليك مشتاقين يا ابو حاتم وحنين
رحلت وتركت وراك الكون حزين
عدت سنة ومرت سنين
وانت في خاطرنا أغلي الغالين
ما قدرنا ننساك ولا سمعنا صوت رنين
وملينا الغناء و الفنانين
والله مشتاقين
يا ابو حاتم وحنين
يا زول ياطيب الطيبين
وين دسيت انسامك قبل يكتمل التلحين
المايك يحن إليك والمسارح فاضئن
والحواس تبحث عنك خاصة الأذنين
بكينا ليك حتى جف دمع في العينين
والله مشتاقين
يا ابو حاتم وحنين
نعيد ذكراك في كل تابين
ويذداد الشوق إليك و الأنين
لي طلتك البهية يوم تبين
تنسينا الدنيا والكون السجين
وكم نحن في حبك صبحنا هامين
يا ابو حاتم وحنين
والله مشتاقين
يا راعى اليتاما والمساكين
علمتنا الطريق ووراك سائرين
في كل وجعة الحواتة متلمين
حافظين لي ودادك وما ناسين
وكيف ننساك وانت كبير المربين
يا ابو حاتم وحنين
يوم رحيلك حزن الفل والياسمين
والحواتة صبحوا كالمساجين
انت الجان ونحن المجانين
لاقينك وين والزيك مين
كده برضو تفوتنا وتنسانا مشتهين
نسمع الحنين والسنين
والله مشتاقين
يا ابو حاتم وحنين
ارجع للزمن مرة تلقانا منتظرين
عشان تغني ألفات زمان وفي ستين
نحن حواتا من كل فج نجيك مهاجرين
في عبارة ما بنطيق لغيرو نسمع مرددين
ما بنطيق لغيرو نسمع مرددين
وما بنطيق لغيرو نسمع مرددين
ومع النغم البديع مساهرين
وقبل الحفلة بي أسبوع فرحين
وبعد الحفلة بي أسبوع منطربين
والله مشتاقين
يا ابو حاتم وحنين
يا شمس المذاد والسودانين
يا قائد الأسطول يا رزين
الا قدر الزمن حرمنا نور الوجنتين
واسمك محفوظ في التاريخ والجبين
يا ابو حاتم وحنين
محمود ظاهرة بكل يقين
م مجتبى من رب العالمين
ح حافظ لعهود المبدعين
م مبدع وموهوب من الأولين
و ودود وكريم من الخيرين
د داوى جراح العاشقين
والله مشتاقين
يا ابو حاتم وحنين
في وجودك كنا متهانئين
تعيش معانا أبد الدهر متمنين
الا قسوة الأيام أبت ما تلين
تركت اعمال خالدة الحواتا مطمئنين
نحن حواتا وفي حزبك منتمين
وكلنا نفخر بيك وليك ممتنين
يا ابو حاتم وحنين
نحن في فراقك متصبربن
وودعناك الي جنة الخالدين
من قلب كل حواتي يقول ليك أمين
وستظل في حياتنا ما دمنا عائيشين
يا ابو حاتم وحنين
------------------------------
0 التعليقات:
إرسال تعليق
"مرر الماوس على الإبتسامات لمعرفة الكود "